Hela fatin > Direitu no Obrigasaun > Direitu Legal

Direitu legal

Aplikasaun aktu Relasaun Traballu Nasional

  • Aktu Relasaun Traballu Nasional hanesan Aktu Padraun Traballu, Aktu kona-ba Salariu Minimu, Aktu kona-ba Siguru no Saude Industrial nebee aplika hanesan ba traballador husi rai liur no mos traballador Korea rasik
  • Remediu ba Direitu nebee posivel liu husi departamentu hadi’a Kondisaun Serbisu no Komisaun ba Relasaun Traballu wainhira iha kazu aktu illegal ka tratamentu ladiak husi empregador sira hanesan violasaun ba kontratu traballu, hasai ema husi serbisu nebee la justu.
  • Maske nune’e, Aktu Relasaun Nasional sei la aplika ba sira nebee serbisu ba familia ruma ka kuidadu ema moras (ida ne’e aplika hanesan ba traballador estranjeiru no ema Korea rasik)
  • Liu tan, Aktu Padraun Traballu nia kona-ba oras serbisu/feriadu/oras deskansa sei la aplika ba traballador husi rai liur nebee serbisu ba industria agrikultura no hakiak animal no peska (ida ne’e aplika hanesan ba traballador estranjeiru no ema Korea rasik).

Aktu Padraun Traballu
  • Oras serbisu normal mak oras 40 (44) kada semana (loron ida oras walu). Oras ne’e sei hanaruk tan bazeia ba konkordansia husi parte nebee involve.
  • Salariu ba traballador sira sei selu regularmente fulan ida dala ida ho osan kedas ka transfere ba kontra banku tuir data nebee espesifika iha kontratu traballu
  • Traballador husi rai liur sira sei iha direitu atu simu osan serbisu liu oras wainhira sira serbisu estra ka mai serbisu kalan (22:00-06:00) ka serbisu iha loron feriadu. (Ida ne’e sei la aplikavel ba kompañia nebee iha empregadu menus husi na’in 4)
  • traballador husi rai liur iha direitu atu simu pagamentu reforma wainhira traballador ne’e serbisu la para ba period liu tinan 1 (Ida ne’e sei la aplikavel ba kompañia nebee iha empregadu menus husi na’in 4)
Aktu kona-ba Salariu Minimu
  • traballador husi rai liur bele hetan pagamentu salariu minimu nebee lei deside ona
Aktu Siguru Kompensasaun ba Asidente Industrial
  • Wainhira iha kanek ka moras ruma durante hala’o serbisu, sei hetan benefisiu kuidadu/tratamentu mediku, kompensasaun ba suspensaun negosiu, kompensasaun ba aleizadu, familia enlutada sei simu benefisiu.

Aplikasaun ba siguru sosial

  • Sei aplika Siguru Kompensasaun ba Asidente Industrial, Siguru Saude Nasional, Abonu Nasional (sei aplika politika resiprosidade).

Proibisaun tratamentu ka hahalok deskriminativu

  • Iha bandu atu halo diskriminasaun kontra traballador husi rai liur hanesan regula ona iha Artigu 22 husi Aktu (Proibisaun ba Deskriminasaun)
  • Maske nune’e, bele aprova deskriminasaun razoavel tuir produtividade no kapasidade traballador husi rai liur nian

Regulamentu kona-ba Periodu Empregu/Serbisu

  • Traballador husi rai liur bele hetan ka halo serbisu iha Korea ba masimu tinan 3 maibe familia nebee akompaña sei reestritu. Hafoin period hela remata, traballador husi rai liur tenke sai husi Korea no traballador labele serbisu tan iha Korea, so wainhira kompleta ona fulan 6 husi loron fila nian (periodu restrisaun empregu) tuir Aktu EPS (Artigu 18 husi Aktu Empregu nian, nst ba Traballador husi rai liur)
  • Maske nune’e, periodu hela traballador nian nebee remata on abele hanaruk tan dala ida iha tinan rua nia laran tuir renovasaun kontratu traballu se empregador husi atu fo serbisu fila fali molok traballador fila. (Artigu 18 ② husi Aktu ba Empregu, nst ba Traballador husi Rai Liur)